سیر وسیاحت واکتِسابات
حضرت غوث العالم کی زندگی کا زیادہ حصہ سیر وسیاحت میں گذرا، جس میں آپ نے ممالک اسلامیہ، مقامات مقدسہ اور ہندوستان کے مختلف حصوں کی سیر فرمائی، بعض سفر کے بعد روح آباد تشریف لائے، اور بعض کے بعد اپنے پیر روشن ضمیر کی خدمت عالیہ میں پنڈوہ شریف حاضر ہوئے، اس سیر وسیاحت میں آپ نے دنیا کے عجائب وغرائب کا مشاہدہ فرمایا، آپ نے بعض ایسے مقامات کی سیر فرمائی جن کا علم اس وقت تک علمائے جغرافیہ کو نہیں ہوا، اس سیر وسیاحت میں آپ نے بیشمار علمائے کرام، مشائخ عظام اور صوفیائے ذوی الاحترام سے ملاقاتیں کیں، اور ان سے خرقہ جات وتبرکات اور نعمتیں حاصل کیں، اور آپ کو جملہ سلاسل اولیائے کرام میں شرف بیعت نصیب ہوا، اور نعمت خلافت واجازت عطا ہوئی، اگر چہ اصل بیعت سلسلۂ چشتیہ بہشتیہ میں تھی، ”لطائف اشرفی“ میں ابتدائی حالات کے علاوہ آپ کے سیروسیاحت اور ان میں پیش آمدہ واقعات اور حالاتِ زندگی کا تذکرہ اس اندازسے کیا گیا کہ یہ فیصلہ کرنا مشکل ہوجاتا ہے کہ کون واقعہ کب اور کس سفر میں پیش آیا؟ جس کی وجہ سے ان واقعات کو صحیح ترتیب کے ساتھ لکھنا بڑاشکل کام ہے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972